Pas heqjes nga përdorimi të vaksinës AstraZeneca me 14 prill 2021, Danimarka sot me datë 3 maj 2021 heq definitivisht nga programi danez i vaksinimit edhe vaksinën Johnson & Johnson. Kjo është konfirmuar sot në një konferencë për shtyp nga drejtori i Bordit Kombëtar të Shëndetësisë.
Danimarka është vendi i parë në botë që heq dy vaksina plotësisht nga përdorimi. Ky është një vendim i vështirë në mes të një epidemie për të vazhduar programin e vaksinimit pa dy vaksina kundër covid-19. Por për shkak të efekteve anësore që shkaktojnë të dy vaksinat, Danimarka hoqi nga përdorimi.
Daniamrka ka blerë 8,2 milionë vaksina Johnson & Johnson të cilat momentalisht i ka hequr nga përdorimi dhe nuk dihet fati i tyre në të ardhmen.
Në programin danez të vaksinimit, momentalisht përdoren vetëm vaksinat Pfizer dhe Moderna.
Nga: Bardhyl Islami
Burim info: sst.dk
