Të dielën me 15 nëntor 2020, në Institutin Danez të Filmit në Kopenhagë u promovua filmi dokumentar “Rrënjet Shqiptare- Dheu Danez” i regjisorit z.Ixhet Lutfiu. Filmi prezanton historinë e shqiptarëve të Danimarkës në 50 vitet e fundit si dhe marrëdhëniet shqiptare- daneze.
Përveç punës si regjisor, z.Ixhet Lutfiu, në 30 vitet e fundit ka punuar si gazetar dhe udhëheqës në Radio Televizionin “Zëri i Kosovës”. Ai ka shfrytëzuar arkivin e këtij mediumi për të krijuar një udhëpërshkrim të historisë 50 vjeçare të shqiptarëve në Danimarkë dhe kontributit të popullit danez për çështjen e përgjithshme shqiptare në atdhe.
Ky film dokumentar u mundësua nga Ministria e Diasporës e Republikës së Maqedonisë Veriore, respektivisht ish ministri z.Edmond Ademi.
Nga: Bardhyl Islami
