Revista për diplomatë “Diplomacy Magazine”, në numrin e fundit të publikuar, nga gjithë ambasadorët në Danimarkë, ka zgjedhur të prezentojë ambasadorin e Maqedonisë së Veriut në Danimarkë z.Faton Bejta, për shkollimin dhe veprat e tij me rëndësi ndërkombëtare.
Ambasadori z.Faton Bejta në këtë revistë prezentohet me këto fjali:
“Ekspertiza e grumbulluar nga një master në të Drejtën Ndërkombëtare e ka bërë Faton Bejtën një diplomat shumë të kërkuar. Ai shërbeu si sekretar i Komisionit për Shënjimin dhe Demarkacionin e Kufirit Shtetëror të Republikës së Maqedonisë së Veriut me Serbinë, Kosovën, Shqipërinë dhe Bullgarinë nga 2007-08, dhe pastaj më vonë (2019-21) si shef i Departamentit për Marrëdhëniet bilaterale me vendet e fqinjësisë kufitare. Postimet e tij të huaja kanë përfshirë Greqinë (si zv.Konsull Gjeneral në Zyrën për Çështjet Konsullore, Ekonomike dhe Tregtare të vendit të tij) dhe Romën (si i ngarkuar me punë)”.
Nga: Bardhyl Islami
Burim info: Diplomacy Magazine
