Në konferencën për mediume të mbajtur të premten me 17 dhjetor 2021 në ora 14.00, qeveria e Danimarkës paraqiti kufizimet e reja për të parandaluar infektimin me covid19.
Këtë vendim qeveria daneze e morri si pasojë e rritjes së numrit të të infektuarve me covid19 dhe veçanërisht me llojin e ri të virusit të quajtur Omicron.
Në 24 orët e fundit kishte 11.194 të infektuar me covid19 në Danimarkë. Ky numër vjen si rezultat i 222.768 PCR testimeve dhe i 256.279 antigen testeve të shpejta. Dmth nga gjithësej 479.047 testimeve = 11.194 pozitiv.
Kufizimet e reja, këtë radhë do të prekin shumicën e institucioneve kulturore dhe argëtuese. Kufizimet do të vlejnë që nga ora 8.00, dita e diel me 19/12.2021 e deri me 17 janar 2022.
Në këto kufizime përfshihen mbyllja e:
- Lojërave e fatit
- Kasinove
- Vendet me lojëra për fëmijë dhe pishinat
- Tivoli dhe lojërat argëtuese
- Tubimet në lokale fetare dhe të konferencave
- Teatrot dhe vendet për sport
- Kinematë dhe shtëpitë kulturore
- Muzeumet dhe galeritë e artit
- Shtëpitë e tubimeve
- Sallonet e festave
- Kopshtet zoologjike dhe akuariumet
Përveç këtyre mbylljeve, do të ketë kufizime edhe për lokalet shërbyese dhe shitjen e alkoholit, si:
- Lokalet shërbyese do të mbyllen nga ora 23.00 – 5.00
- Ndalohet servimi i alkoholit pas orës 22.00
- Ndalohet shitja e alkoholit pas orë 22.00 – 5.00
- Duhet 2 m2 për çdo person që do të jetë ulur në lokalet shërbyese
- 4 m2 për çdo person që qëndron në këmbë
- Mbajtje e maskës ose vizir për punëtorët që janë në kontakt me klientë, pa marrë parasysh se kanë coronaPas
Nga: Bardhyl Islami
Burim info: ssi.dk dhe sst.dk
