Aplikimi për leje qëndrimi në Danimarkë, aplikimi për vizë pune, aplikimi për studim në Danimarkë, aplikimi për shtetësi daneze kushton në Danimarkë. Si gjithmonë, nga 1 janar ka tarifa të reja. Nëse keni paguar tarifën e aplikimit në vitin 2020, është shumë e rëndësishme që aplikimi juaj të paraqitet në vitin 2020! Përndryshe, ju rrezikoni që aplikimi juaj të konsiderohet i pavlefshëm. Shërbimi danez i Imigracionit dhe SIRI janë të mbyllura për pushimet e festave të fundvitit, por aplikimi mund të dorëzohet online në një formë kontakti ose e-mail, kështu që ju keni prova se aplikimi është dërguar këtë vit.
Disa tarifa janë të njohura tashmë, kështu që provimi për Testin e Lejes së qëndrimit ose Testin e Shtetësisë do të jetë 850 DKK në 2021, Testi DanskPrøve 1-3 do të jetë 1.417 DKK. Sidoqoftë, siguria për aplikimet e reja për ribashkimin e familjes do të rritet nga 1 Janar 2021 në 106.120,80 DKK. Pas 1 janarit 2021, sapo ta marrim listën e çmimeve për aplikime, ne menjëherë do ta publikojmë.
Por, tani gjëja më e rëndësishme është që, nëse keni paguar një tarifë aplikimi këtë vit, atëherë duhet doemos të aplikoni këtë vit! Nëse keni nevojë për ndihmë urgjente, shkruani në info@immigrationlaw.dk
Përktheu: Bardhyl Islami
Burim info: Aage Kramp, Grupi IMMLAW – https://immigrationlaw.dk ose https://www.facebook.com/Immigration-Law-Albansk-2053862658193976
