Organizata daneze tregtare DanskeÆg këtë e bën që të dallohet malli vendor dhe cilësor nga ai i shteteve të huaja në tregun danez. Dallimi i vezëve daneze është parë edhe më herët por nga e hëna cilësia e vezëve daneze do të shihet me shenjën e re.
Vezët nga shtetet e BE kontrollohen një herë në javë për vetëm 5 lloje të salmonelës, ndërsa në Danimarkë vezët kontrollohen një herë në javë për 3.000 llojet e salmonelës. Cilësia e vezëve daneze shihet edhe nga kujdesi për pulat, mënyra e të ushqyerit të pulave, llojlojshmëria e ushqimit të pulave dhe mirëqenien e pulave- njofton drejtori i organizatës DanskeÆg Joergen Nyberg Larsen.
Kuptohet se vezët nga vendet e huaja janë më lirë në tregun danez, por ne i ofrojmë konsumatorit danez shenjën e re që ai të shoh qartë dhe të zgjedh vet cilësinë e vezëve.
FAKTE: Domethënia e shenjës së re për vezët daneze
Këtu mund të lexoni se çfarë thotë shenja e re për vezët në të ardhmen:
–Flamuri danez: tregon për “origjinën daneze”. Veza është daneze dhe prodhohet me kujdes gjatë gjithë procesit të prodhimit.
–Veza: tregon për “sigurinë e ushqimit”: vezët daneze janë të sigurta me programin më të rreptë të kontrollit në botë
–Zemra: tregon për “shëndetin”: vezët daneze janë të shëndetshme. Ato përmbajnë proteina me cilësi të lartë dhe një shumëllojshmëri të vitaminave dhe mineraleve të rëndësishme.
–Pula: tregon për “mirëqenien e kafshëve”: Ka një fokus të madh në mirëqenien e pulave midis fermerëve danezë.
Burim info: DanskeÆg
Nga: Bardhyl Islami
