Kjo reformë e re është më e madhja deri më tani. Reforma e re në arsim përmban ndryshime rrënjësore në shkollën fillore të Danimarkës.
Reforma e re parasheh mësim qëllimor, më shumë orë mësimore për mësuesit dhe nxënësit, dmth nxësësit do të rinë më gjatë në shkollë, mësuesit do të punojnë 37 orë në lokalet e shkollës, dmth edhe orët përgaditore do ti mbajnë në shkollë, gjuha angleze fillon që në klasën e 1, drejtorit (inspektorit) të shkollës i jepen më shumë kompetenca autonome ekzekutive, të gjitha shtesat u hiqen mësuesve në rrogat e tyre, drejtori vendos në bazë të meritës se cili mësues mund ti marrë shtesa në rrogë, etj.
Është interesante se për cdo vit të ri shkollor ministria e arsimit vendos reklama nëpër autobusët urban dhe nëpër rrugët ku janë afër shkollat fillore. Këto reklama janë me fëmijë shkollor, dhe i rekomandojnë shoferët të kenë kujdes nëpër këto rrugë dhe mos të shkelin ndonjë fëmijë dhe vecanërisht fëmijët që nisin në klasat parashkollore dhe në klasën e 1. Sivjet janë gjithesej 67.500 nxënës fillestar në komunikacion te cilët nisin në klasë parashkollore dhe në klasën e 1. Më tepër për kujdesin për fëmijët fillestar në komunikacion lexoni në danisht në www.sikkertrafik.dk
Nga: Bardhyl Islami
