Laptopët “ Todorovian “ në duar të arsimtarëve shqipëtar - Aktuale.dk

Nga: Hakik Jahiu

Edhe pse asnjë arsimtarë të shkollës fillore Jeronim de Rada – Çerkez, por edhe rrethin e Kumanovës, nuk i kanë ndjekur ende trajnimet për programin EDUBUNTU nga MASH-I u janë shpërndarë laptopë si mjet bashkëkohor për përdorim në proçesin edukativo – arsimor por përfatë të keq vetëm në gjuhën “zyrtare” maqedone e ne siç i quajtëm “laptopët Todorovian”. Athua edhe për këtë të gjithë shqipëtarët do të heshtin dhe do të pranojnë profesorët shqiptarë ti marrin këto laptopë? Athua s’ka asnjë shqiptarë të punësuar në MASH që të mund të bëjnë përkthimin e këtij program, apo është një lojë e ministrit të Arsimit dhe shkëncës Nikola Todorov që edhe planet ditore profesorët t’i mbajnë në gjuhën maqedone . E profesorët e mjerë vetëm i shikojnë laptopët dhe nuk kanë idenë se çfarë të bëjnë , janë në gjuhën maqedone, program i panjohur për to….

Më brengosin shumë këto punë sepse për momentin më vjen keq shumë për arsimin shqip sepse është lënë pas dore dhe manipulohet me të madhe duke filluar nga klasa e pare e shkollave fillore duke ua imponuar mësimin e gjuhës maqedone, shpërndarjen e laptopëve për profesorët me programin EDUBUNTU vetëm në gjuhën maqedone, me siguri se në të ardhmen e afërt do të na obligojnë edhe gjith profesorëve shqiptarë që evidence pedagogjike ta mbajmë në gjuhën maqedone, të mësojmë ne shqiptarët në shkolla të mesme nëpër objekte të adaptuara dhe në kushte tejet mizore , pa asnjë mjet mësimor e mos të flasim për kabinete që jemi shumë larg tyre .

Apeloj te të gjithë profesorët që I kanë marrë këta laptop ti kthejnë duke kërkuar që sa më shpejtë të bëhet vendosja e programit në gjuhën shqipe , njëherit kërkoj nga MASH- I që të fillojë sa më shpejtë me trajnimin e profesorëve për programin EDUBUNTU që të fillojnë aplikimin e tyre në mësim.