Shqiptarët e Danimarkës, tani filluan të punojnë edhe për vete - Aktuale.dk

Nga: Luigj Shkodrani
Danimarkë

Muaji i madhërueshem i Ramazanit, shqiptaret e Danimarkes i priti me nje sihariq te mire. Ata sot kryejne ritet e tyre fetare ne Xhamine e re, qe u inagurua pak dite me pare.

Data 15 gusht 2009, shenoi nje ngjarje per gjithe komunitetin shqiptare qe jeton e punon ne Danimarke, ata u mblodhen per te bere inagurimin e Shtepisë Kulturore Shqiptaro-Daneze, qe tashme dhe shqiptaret, kane nje shtepi te tyre ne Kopenhagë. Aty mund te mblidhen, dhe kane mundesi nga me te ndryshmet, si per kryerjen e riteve fetare, por dhe per cdo aktivitet tjeter.

ShKShD ndodhet në adresen:
Theklavej 26
2400 København, Danmark
Tlf.: +45 35 11 36 32
www.shkshd.dk

Ne diten e hapjes moren pjese nje numer i madh bashkatdhetaresh, nga te gjitha trevat etnike, qe jetone ne Danimarkë. Programin e ceremonisë festive të inaugurimit të ShKShD e hapi dhe e udhëhoqi kryeredaktori i revistes ”Aktuale”dhe nje aktivist i dalluar i ketij komuniteti z.Bardhyl Islami.

Shiritin e inagurimit e preu z.Lokman Ferhati kryetar i ShKShD dhe Memetreshat Avduli.
Me pas e mori fjalen kryetari i Këshillit te përkohshëm te shtëpis kulturore shqiptaro-daneze z. Llokman Ferati, i cili falenderoi te gjithe ata qe kontribuan ne ndertimin e kesaj shtepie kulture, si: ata që kanë bërë pagesën e anëtarësimit, shume afariste e bisnesmen shqiptar që kishin marre persiper ne blerjen e materialeve te nevojshem, si dhe disa bashkatdhetar qe ndihmuan me pune fizike.

Njekohsisht ai theksoi ne rendesine qe ka kjo shtepi ne edukimin e brezit te ri, duke percjellur e ruajtur tek ata, kulturen e traditen, gjuhen qe eshte gjeja me kryesore, njekohsisht dhe duke ruajtur e percjelle dhe besimin e tyre fetar. Z.Llokman, nje rendesi te vecante i kushtoi, zerave te ndryshem, qe duan me cdo kusht te percajne komunitetin tone shqiptare qe jeton e punon ne Danimarke, ku e etiketojne ne forma e ne menyra te ndryshme dhe ai nga aty u beri thirrje te gjithe shqiptarve, pa dallim feje e krahine, se jane te mirepritur ne ate shtepi. Kjo shtepi, tha z.Llokman, eshte shtepi e te gjithve. Kjo eshte pasuri e shqiptarve te Danimarkes. Kjo eshte nje pasuri qe ne do tu a leme femijeve tane dhe ata tua percjellin femijeve te tyre e keshtu kjo shtepi te jete perhere, nje vater e ngrohte, kombetare e patriotike e shqiptarve.

Fjalimi i z.Llokman Ferati u nderpre disa here nga duartrokitjet e te pranishmeve.
Me pas e mori fjalen dhe teologu Ruzhdi Asipi i cili falenderoi Zotin per kete dhurate te cmuar qe na dhuroi ne keto dite, ne prag te muajit te madheruueshem te Ramazanit.

Njekohsisht ai kreu ritin e pare fetar që quhet “Përshëndetje e xhamisë”, në një nga lokalet e SHKSHD qe eshte pregatitur enkas per rite fetare islame. Riti u ndoq nga nje numer i madh i bashkatdhetareve, ku falenderuan Zotin per kete dhurate te cmuar. SHKSHD ka 700m2 lokale dhe oborr prej afer 100 m2.

Me pas hafëz Nexhati këndoi një “ashere”(pjese nga Kurani). Të ftuar për inaugurimin e SHKSHD ishin dhe ambasadorët e Shqipërisë dhe të Maqedonisë, por nuk ishin të pranishëm sepse ishin per pushime ne atdhe. Ne kete takim ishin te pranishem dhe mediat shqiptare të shqiptarëve në Danimarkë si: RTV ”Zeri i Kosoves dhe revista elektronike ”Aktuale”. E gjithe ceremonia u inçizua nga ekipi i RTV ”ZIK”-kut, dhe u transmetua të shtunën me 22 gusht nga ora 9.00 në RTV ZIK në valet lokale te Kopenhagës.

Në fund, këshilli i Shtepise kulturore shqiptaro-daneze, kishte organizuar dhe nje koktej per te pranishmit. Me pas patem rastin dhe vizituam te gjitha lokalet e SHKSHD, ku kishte hapsira te nevojshme per zhvillime te aktiviteteve te ndryshme si dhe te kurseve apo te mbajtjes se ligjeratave te ndryshme edhe per rinine.

Por kerkohet nje pune me e madhe e mesimdhenesve dhe te gjithe aktivisteve, qe ti bashkangjiten kesaj shtepie kulture dhe te organizojne aktivitete te ndryshme me brezin e ri, qe ta ndjejne veten si ne shtepine e tyre dhe te mesojne e te perfitojne sa me shume, per traditen, kulturen, fene dhe gjuhen shqipe, sepse tashme ketu po rritet gjenerata e trete e shqiptarve dhe duhet te bejme çmosin qe te mos asimilohen shqiptaret dhe femijet e tyre.

Aktivizimi ne kete shtepi kulture, eshte nje gje e mire dhe per te gjithe femijet tane, sepse ketu njihen me shume me njeri-tjetrin dhe pse jo te jete nje shtepi e kurorëzimit dhe e lidhjeve dhe miqesive ne mes te shqiptarve, qe te ruajme te paster gjakun tone shqiptar, duke e mbrojtur nga barbarizmat e kohes.

Gjate koktejit dhe gjate krejt qendrimit ne kete ceremoni u takuam me shume bashkatdhetar dhe morrem fjale nga me te mirat. Fytyrat e tyre ishin vertete te gezuara. Shqiptarët në Danimarkë janë shumë njerëz human. Ata kanë ndihmuar në gjitha rastet që ka qenë nevoja, si në formimin e Univerzitetit te Tetovës, luftën ne Kosove, luftën ne Preshevë, Medvegje dhe Bujanovc, luftën në Maqedoni, por dhe per ndihmat ne raste të fatkeqesive te ndryshme, qofshin ato natyrore apo ne problemet mjekesore, per kurime te ndryshme, ne ndihme te familjeve te deshmoreve, te familjeve te varfera e te femijeve bonjak.

Ky komunitet ka qene gjithmone i gatshem ne çdo rast, dhe sot u erdhi momenti te kontribuojne per veten e tyre dhe per te ardhmen e femijeve te tyre, gje qe e bene me shume deshire dhe vullnet te mire.
Ndaj sot ata gezojne e festojne te gjithe bashke ne shtepine e vatren e tyre, ketu ne mergimin e larget.