2.2. Puna ekipore - Aktuale.dk

Nga M-r. Hakik Jahiu

Mësimi ekipor është formë e veçantë e punës në grupe të vogla . Punën ekipore e bën specifike ndarja dhe formimi i grupeve . Kjo formë e mësimit ose ky mësim shpesh është mësim problemor , por që të zgjidhet ky problem , ekipa e punës së nxënësve bën ndarjen e roleve ,ashtu që secili nxënës kryen vetëm aktivitetin e caktuar.

Duke pasë parasysh që jetojmë në kohën me ndryshime të mëdha, të cilat direkt janë të reflektuara në shkollë dhe në mësim, ashtu që praktika bashkëkohore kërkon bashkpunim arsimtar-arsimtar, arsimtar-nxënës etj. Mësimi i tillë mundëson zhvillimin e personalitetit të arsimtarit dhe nxënësit mbi afirmimin dhe formimin e ekipit. Ekipi ka kapacitet për punë cilësore, mundësi dhe arsyeshmëri didaktike dhe metodike, përgatitur për kryerjen e planifikimeve te drejta , realizimeve, evaluimin e mësimit si dhe ndryshimet tjera në shkollë.

"Më tepër është më mirë" është fjalë e urtë që tregon rëndësinë e punës ekipore në zgjidhjen e problemeve si dhe sjelljen e vendimeve në shkollë. Puna ekipore mundet njëkohësisht të definohet edhe si :"orvajtje strukturore për përmirsime dhe zhvillime efikase të grupeve njerëzore të cilët përkohësisht dhe përherë punojnë së bashku".

Puna ekipore është fenomen i botës bashkëkohore si dhe i mësimit bashkëkohor të cilat kanë evaluimin e tyre dhe njohuri teorike të sigurta, në bazë të cilave me të drejtë konstatohet se në fushën e edukatës dhe arsimimit kanë përparësi të rëndësishme didaktiko-metodike, për shkak se për realizimin e suksesshëm të detyrave dhe qëllimeve të ndërlikuara nevoiten profesionist të lartë, arsim pedagogjiko-psikologjik, zhvillim analitik dhe praktik të aftsive nga praktika e arsimtarit , që në thelb janë tejkaluar aftësitë intelektuale të arsimtarit , njashtu janë tejkaluar aftësitë intelektuale të një njeriu. Përshkak të ndërlikueshmërisë dhe shumllojshmërisë së veprimtarive edukativo-arsimore në shkollat bashkohore ekzistojnë navoja objektive pedagogjike dhe shoqërore, për realizimin e detyrave edukativo-arsimore dhe programimi i punës në shkollë të kahëzohet kah puna ekipore e arsimtarëve, nxënësve dhe bashkpuntorëve tjerë përshkak të arritjeve të rezultateve maksimale të punës .

Përparësitë themelore të mësimit ekipor janë : cilsi e lartë dhe realizim profesional i përmbajtjeve mësimore, përdorimi racional i kohës dhe hapsirës, aktivizimi më i madh i nxënësve . Kushti themelor për suksesin e mësimit ekipor është bashkpunimi mes anëtarëve të ekipit të jet i pacenueshëm, të ket tolerancë, vetëkritika , gatshmëri për tu korigjuar qendrimet, atmosfera të jet pune.