Nëse serbët do ishin pak më inteligjent ! - Aktuale.dk

Nga Ajet Nuro

Të them të drejtën nuk kam njohur ndonjë serb me themel, veç atyre që janë tashmë personazhe publike. Pra nuk mund të them se i njoh nga afër dhe pyetja që shtroj që në krye, pra nëse ata janë inteligjent nuk ka të bëjë aspak me racizëm, bile bile nga ana biologjike nuk kam dyshim se ata janë po aq inteligjent sa dhe qenie të ngjashme dhe të kultivuara në kushte të njëjta. Pyetja shtrohet vetëm në kontekstin historik të sotëm.

Pavarësisht se sebët (në mënyrë kolektive) nuk janë përgjegjës për zgjedhjen në krye të tyre të qenieve si psh Milloshviç sepse dihet që jo gjithmonë udhëheqja e tyre është zgjedhur. Por, nga ana tjetër serbët nuk mund të bëjnë naivin dhe të hiqen viktim sepse krimet e Milosheviçit ndaj popujve të tjerë të ish-Jugosllavisë dhe sidomos ndaj shqiptarëve, iu veshën pikërisht popullit serb. I takonte pikërisht popullit serb të ndante pra shapin nga sheqeri dhe të distancohej me kohë nga Milosheviç ...sigurisht nëse ky i fundit nuk do ishte ikona e popullit serb. Por... Dhe këtu rivjen pyetja: A janë serbët inteligjent?

Serbët kanë akademik (si çdo popull...) por këta në vent të ndihmojnë në progresin e popullit të tyre, me anë të krijimit të teorive nacionaliste dhe sidomos krijimin e s teorive shfarosëse ndaj fqinjëve të tyre (shqiptarëve) nuk sigurojnë progresin por regresin e serbëve. Ata janë elita serbe. E pra, janë serbët inteligjent?

Që nga fillimi i viteve 1990 serbët janë përplasur me të gjithë popujt e ish-Jugosllavisë. Janë përplasur është e butë, kanë luftuar kundër do të ishte më e drejtë. E pra, nga lufta askush nuk fiton. Bile nga fitimi i ndonjë copë toke më shumë, serbët kujtuan se bota rrotullohej rreth tyre dhe u verbuan gjer në atë pikë sa nuk e shikonin se gjithë bota u bënte thirrje të rivinin në tokë dhe të hiqnin dorë nga çmenduria më e madhe e fundit të shekullit të njëzetë, shfarosja e fqinjëve për ti marr gjithshka që do ngelej pasi ata të mos ishin më. Por... serbët nuk dëgjuan... E prap pyetja : A janë serbët inteligjent ?

Më tej. Për të ndaluar kanibalizmin e tyre u desh ndërhyrja e NATO-s. Më mirë të themi, u desh nërhyrja e avionëve të NATO-s. Si në çdo luftë ka një fitues dhe një humbës. Në qershor 1999 serbët e humbën luftën. Tetë vjetë më pas ata nuk e kanë kuptuar një gjë të tillë. Këtu rivjen pyetja... Nuk po e shkruaj sepse tash është bërë refren.

Që nga viti 1913 serbët kanë pushtuar Kosovën. Ata e kanë pushtuar dhe janë munduar ta pastrojnë nga ana etnike. Fatkeqësisht për ta ata ia kanë dalë të ndryshojnë vetëm dhjetë për qind (dhe këta 10 % nuk janë serb...) Dhe të mjerët mundohen të gjejnë justifikime për të shpjeguar këtë dëshirë të serbëve për ta patur Kosovën të tyre por pa popullsi serbe. Ka inteligjencë në këtë mes...

Që nga momenti që serbët kanë pushtuar Kosovën nuk kanë reshtur terrorin e tyre për ta nënshtruar këtë tokë shqiptare. Edhe pse terrori i tyre nuk ka patur ndonjë shembull (helmimi i fëmijëve të shkollave shqiptare do të turpëronte çdo serb që do kishte pak inteligjence...) ata kurr nuk mundën ti nënshtrojnë shqiptarët. Pra, kur ata nuk kuptojnë faktin që nuk kanë patur ditë të bardha (nënshtrim nga ana e shqiptarëve) si munden ata të ëndërrojnë të nënshtrojnë Kosovën. E përsëri, janë serbët inteligjent?

Dikur Franca dhe Gjermania luftonin njëra me tjetrën për të dominuar një krahinë(Alsace-Lorraine apo Reichsland Elsaß-Lothringen) që herë i ka takuar Francës dhe herë Gjermanisë. Pas luftës së dytë botërore ata i dhanë dorën njëri-tjetrit dhe armiqësia e tyre është arkivuar. Kjo valë bashkëpunimi përfshiu gjithë Europën Perëndimore aq sa sot kemi një njësi të veçantë, një supershtet të quajtur Bashkimi Europian. Kjo njësi ka ardhur në portat e Ballkanit. Nuk e di nëse serbët i kanë sytë të shikojnë. E pra...refreni...

Në dy momente serbët kanë dashur ndihmën e Rusisë. Gjatë luftës kundër NATO-s më 1999 ata iu bashkuan federatës Ruse për ta tërhequr këtë të fundit në luftë. Rusët përveç ndonjë ngritje zëri nuk mundën të bëjnë më shumë. Në 2007 serbët përsëri u bënë thirrje rusëve të bllokojnë pavarësinër e Kosovës. Dhe rusët aq kishin në dorë, veton e tyre në Këshillin e sigurimit. Serbët bënë atë që duhet të bënin. Por nuk e di a e kanë menduar se sido që të jetë sado që të jenë të lidhur me Rusinë, ajo është shumë larg dhe më e mira do të ishte tu uronin shqiptarëve të Kosovës pavarësinë duke u shprehur dëshirën e tyre për një fqinjësi të mirë. Jam i sigurt që shqiptarët do ta pranonin një gjë të tillë.

Nuk i kam njohur nga afër serbët dhe nuk e di gjuhën e tyre por sot do të desha tu thosha veç një fjalë : Pavarësisht nga sa keni bërë në të kaluarën, të paktë njëherë shfrytëzoni ratin të jeni inteligjent. Kosova është e shqiptarëve që e banojnë atë prej shekujsh. Ju duhet ta keni për nder të jeni fqinjët e tyre. Nëse keni një minoritet serb në Kosovë dhe i doni të mirën, kijeni mirë me shqiptarët e atyshëm. Jini racional dhe më e mira që mund të bëni është ta njihni shtetin e Kosovës. Ju do të fitoni simpatinë e gjithë botës demokratike nëse e njihni shtetin e pavarur të Kosovës sot. Nëse do ta njihni nesër, kjo nuk do të përbëjë ndonjë meritë për ju. Nëse përgjigja për inteligjencën e serbëve nuk u jep notë kaluese le ta shfrytëzojnë rastin e fundit që u jepet.

Serbs ! Be smarter ! Les serbs ! Soyez inteligent !